«САРЫ-АРҚА» магистральдық газ құбырының орналастыру үшін Қарағанды облысының аумағындағы жер учаскелеріне қауымдық сервитут белгілеу туралы

Қазақстан Республикасының 2003 жылғы 20 маусымдағы Жер кодексіне, Қазақстан Республикасының 2001 жылғы 23 қаңтардағы «Қазақстан  Республикасындағы жергілікті мемлекеттік басқару және өзін - өзі басқару   туралы», 2012 жылғы 22 маусымдағы «Магистралдық құбыр туралы» заңдарына сәйкес, Қарағанды облысының әкімдігі ҚАУЛЫ ЕТЕДІ:

1. Осы қаулының қосымшасына сәйкес, «САРЫ-АРҚА» магистральдық газ құбырының орналастыру үшін, жеке меншік иелерінен және жер пайдаланушылардан жер учаскелерін алып қоймастан, мерзімі төрт жылға қауымдық сервитут белгіленсін.

2. «ҚазТрансГаз» акционерлік қоғамы (келісім бойынша) жер учаскелерінің жеке меншік иелеріне және жер пайдаланушыларға шығындарды өтесін, Қазақстан Республикасының қолданыстағы заңнамасына сәйкес тараптар келісімімен шығындар көлемі және олардың өтемақы тәртібі анықталсын.

3. «Қарағанды облысының жер қатынастары басқармасы» мемлекеттік мекемесі Қазақстан Республикасының заңнамалық актілерімен белгіленген, тәртіппен:

  1. Қазақстан Республикасы нормативтiк құқықтық актілерiнiң эталондық бақылау банкінде ресми жариялауға осы қаулының жолдануын қамтамасыз етсін;
  2. Қарағанды облысы әкімдігінің интернет-ресурсында осы қаулының орналастырылуын қамтамасыз етілсін;
  3. осы қаулыдан туындайтын, өзге де шаралар қолданылсын.

4. «Қарағанды облысының ішкі саясат басқармасы» мемлекеттік мекемесі Қазақстан Республикасының заңнамалық актілерімен белгіленген тәртіппен Қарағанды облысының аумағында таратылатын мерзімді баспа басылымдарында ресми жариялауға осы қаулының жолдануын қамтамасыз етсін.

5. Осы қаулының  орындалуын бақылау Қарағанды облысы әкімінің орынбасары С.Ж. Шайдаровқа жүктелсін.

6. Осы қаулы әділет органдарында мемлекеттік тіркеуден өткен күнінен бастап күшіне енеді және алғашқы ресми жарияланған күнінен кейін он күнтізбелік күн өткен соң қолданысқа енгізіледі.

        

Қарағанды

облысының  әкімі                                              Е. Қошанов

 

                                                                      Қарағанды облысы әкімдігінің

                            2018 жылғы «__»   _____________ 

                                                                         №  ______ қаулысымен  бекітілген

№ п/п

Аудандардың атаулары

Қауымдық сервитут
белгілеу көлемі, гектар

1

Ұлытау ауданы

1382

2

Жаңаарқа ауданы

865,5

3

Шет ауданы

30,2

4

Абай ауданы

431,9

5

Бұқар Жырау ауданы

353,3

6

Осакаров ауданы

175

7

Барлығы

3237,9

 

  • Историко-Культурный Центр Первого Президента Республики Казахстан
  • World Trade Organization
  • Министерство финансов РК
  • Official information portal of the akimat of Karaganda region
  • The Ministry of Culture and Information of the Republic of Kazakhstan
  • E-servises portal of Karaganda region
  • IPO
  • EXPO-2017
  • ЕВРАЗЭС
  • Программа повышения инвестиционной культуры и финансовой грамотности населения Р
  • Database legislation
  • Государственные закупки Республики Казахстан
Up